Новая кніга «БелЭн» запрашае маленькіх чытачоў у казачны свет Уладзіміра Караткевіча

Кніга казак Уладзіміра Караткевіча выйшла ў выдавецтве «Беларуская Энцыклапедыя імя Петруся Броўкі» ў серыі «Кнігі нашага дзяцінства».

У выданне ўвайшлі тры казкі славутага пісьменніка. Пад адной вокладкай яны сабраны ўпершыню! Мастачка Наталля Табушава − наша сучасніца − вельмі тонка адчула атмасферу твораў беларускага класіка і здолела дасканала перадаць яе ў малюнках.

graficzny.com.pl

Казкі гэтыя прыдатныя для чытання нават самым маленькім беларусам. Кніга застаецца адным з найлепшых сродкаў камунікацыі: калі дарослыя чытаюць дзецям казку, разглядаюць разам малюнкі, абмяркоўваюць незнаёмыя словы, даюць ацэнку ўчынкам герояў. Спакваля дзеткі будуць вучыцца спагадзе, шчырасці, дабрыні і сумленнасці. Казкі Уладзіміра Караткевіча вельмі падыходзяць для гэтага. Для іх характэрны насычаны сюжэт, яны пазнавальныя і вельмі павучальныя.

У серыі «Кнігі нашага дзяцінства» таксама выйшли кнігі «Нам не трэба вайны!: беларускія паэты пра Вялікую Айчынную вайну», «Любай маме: вершы беларускіх паэтаў», «Залатая яблынька: беларускія народныя казкі».

Источник: http://www.bel-en.by/ru/news-ru/view/novaja-kniga-belen-zaprashae-malenkix-chytachou-u-kazachny-svet-uladzimira-karatkevicha-10604/