Што такое бёрдвочынг?
Бёрдвочынг – гэта назіранне за птушкамі.
Нават калі вы жывяце ў горадзе, то можна паглядзець на бліжэйшыя кусты і дрэвы каля дома, а потым — што адбываецца ў найбліжэйшым парку, дзе быццам бы не было чаго рабіць. І гэта тая актыўнасць, дзе можна вытрымліваць сацыяльную дыстанцыю, нават калі вы вырашылі выбрацца паляваць на птушак разам з сябрамі.
Які праект:
Грамадская арганізацыя «Ахова птушак Бацькаўшчыны» – буйнейшая прыродаахоўная арганізацыя Беларусі. Гэта больш за 2500 удзельнікаў і валанцёраў, больш за 40 000 прыхільнікаў, 14 аддзяленняў і больш за 130 школьных клубаў (калі захопіцеся, то можна сваю школу паварушыць) па ўсёй краіне.
АПБ – нацыянальны партнёр глабальнай прыродаахоўнай асацыяцыі Birdlife International, якая аб’ядноўвае арганізацыі са 120 краін свету.
Што робіць:
- Вывучае і заховае біяразнастайнасці, асабліва разнастайнасці дзікіх птушак;
- Выяўляе, вывучае, захоўва і (пры неабходнасці) аднаўляе прыродныя тэрыторыі, важныя для захавання біяразнастайнасці, асабліва для дзікіх птушак;
- Захоўвае прыродныя экасістэмы;
- Заахвочвае захоўваць біяразнастайнасць, павышае экалагічную свядомасць насельніцтва;
- Садзейнічае ўстойліваму выкарыстанню прыродных рэсурсаў.
Як далучыцца:
- знайсці месца, дзе тусуецца досыць птушак (нават калі гэта нехта трывіяльны, бо, калі прыглядзецца, нічога трывіяльнага няма);
- паглядзець на сайце АПБ, што гэта за птушкі (там і галасы можна паслухаць!);
- глядзець, як птушкі стасуюцца адна з адной, што ядуць, з кім жывуць у згодзе;
- запісаць, што знайшлі ў нататкі (ці можна спампаваць круты дадатак на тэлефон);
- прайсціся па старонках АПБ у сацсетках, каб сачыць за чужымі назіраннямі ў інстаграме і карыстацца стыкерамі ад Лу у тэлеграме.
Навошта вам гэта рабіць:
— даведацца пра тое жыццё, што адбываецца вакол вас, а вы і не заўважалі,
— палюбіць тых птушак, пра якіх можна клапаціцца потым, зімой – падкормліваць і домікі рабіць;
— бяспечна займацца нечым на вуліцы нават разам з сябрамі (памятаем: сацыяльная дыстанцыя!);
— знайсці такіх самых зацікаўленых, у каго назіранні ў бліжэйшым парку па графіку, каб стасавацца – абменьвацца досведам, разам ладзіць сустрэчы, займацца валанцёрствам ці проста падысці і запытацца “а вось я не магу схапіць тую птушку, не ведаеш, дзе тут у нас у парку шукаць”.