ЭКАЛОГІЯ — ПОБАЧ

Экалогія даўно стала адной з самых «хадавых» тэм: усе ведаюць, што чалавецтва нарабіла ўсякага непрыемнага для планеты і, каб ёй дапамагчы, трэба выкарыстоўваць

менш пластыку ды больш ездзіць на ровары. Рэгулярна мы чуем нешта пра павышэнне

ўзроўню акіяна і самыя розныя забруджванні. Гэта турбуе, зразумела. Але ж, калі чытаеш пра нешта настолькі глабальнае і складанае, з’яўляюцца ў асноўным дзве думкі:

1) «Акіяны, канешне, шкада, але наколькі гэтыя праблемы датычацца мяне?»;

2) «Што я, такі маленькі чалавек, магу зрабіць з такой велічэзнай праблемай?».

Каб стала прасцей, можна паменшыць радыус сваёй турботы. Замест акіяна даведацца пра стан і каштоўнасць бліжэйшага возера ці рачулкі. Замест моднай эка-прадукцыі звярнуць увагу на мясцовыя традыцыі і ініцыятывы, што спрыяюць экалогіі.

Побач заўсёды ёсць нехта, хто садзіць дрэвы, ці прыбірае смецце, ці перапрацоўвае

непатрэбныя рэчы ў нешта цікавае. Побач ёсць арганізацыі, што даследуюць экалагічныя змены тут і зараз і прыдумляюць рашэнні. Трэба толькі азірнуцца і пабачыць.

А што ж можна зрабіць? Самае простае — распавесці!

Тады кожны з нас даведаецца неверагодна многа пра тое, у якім стане экалогія навокал і што можна зрабіць зараз. Можна натхніцца на свой праект ці далучыцца да

ўжо існуючага і нават проста перадаць веды далей, робячы праблему актуальнай для

большай колькасці людзей.

Пра што?

• Прысвечаныя экалогіі праекты ў школах ды іншых установах, валанцёрскія ініцыя-

 тывы, мерапрыемствы, ахоўныя арганізацыі, навуковую дзейнасць вакол цябе;

• экалагічныя традыцыі ды звычкі ў тваёй сям’і, раёне, вёсцы ці горадзе;
• мясцовых аматараў экалогіі — ад бабулі, якая вяжа дыванкі са старой адзежы, да

навукоўца, які пільнуе рэдкія віды птушак;

• прыродаахоўныя зоны побач, як яны працуюць і што ў іх карыснага;
• значэнне навакольных прыродных рэсурсаў для чалавека, іх змены апошнім

часам;

• жывёл і расліны ў тваёй мясцовасці пад пагрозай вымірання, ды што будзе, калі

яны знікнуць.

У якой форме?

• Эсэ, замалёўка;
• агляд-экскурсія;
• інтэрв’ю;
• ды хоць вершы!

Падзяліцеся з «Бярозкай» сваім экалагічным досведам!

Стань чытачом або аўтарам часопіса!

 

Падпісныя індэксы “Бярозкі”:

74822 — індывідуальны

74888 — індывідуальны льготны для членаў БРПА

748222 — ведамасны

74879 — ведамасны льготны для ўстаноў адукацыі і культуры