Мая бяда

Ой, братцы, не магу маўчаць,

Хачу вам нешта расказаць!

Са мною здарылася бяда:

Ёсць цацка ў мяне адна,

Што замяніла мне бацькоў,

Адбіла ўсіх маіх сяброў,

Не дае рабіць урокі,

Хадзіць ў кіно, скакаць у скокі.

Не бачу я сваю сястру,

Размоў з дзядулем не вяду,

Бабулі не дапамагаю,

А з цацкай той усё гуляю…

Калі іду ў школу я,

Машын вакол мяне няма.

Не бачу колер светлафора.

Ёсць толькі цацка — проста гора!

Злуюцца на мяне дарма.

Кажу: «Невінаваты я!

Ва ўсім прычына толькі ён —

Любімы новенькі смартфон».

Я пасля доўгага чакання

Не ўяўляю з ім расстання,

Ён і ў мроях, і ў сне,

Дапамажыце, братцы, мне!

Ульяна Шыдлоўская,

6 клас, СШ № 15 г. Мінска