Заяўка на Парнас
ЭХ, РОДНЫЯ СЛОВЫ-СЛАВУЛЬКІ!
Лета. Канікулы…
Радасці cтолькі!
Сустракай, бабулька, —
Не бачыліся колькі!
Стаіць на парожку,
Слязу выцірае.
Сваю любімку
З радасцю вітае!
Раніца ў вёсцы —
Пеўнікі спяваюць.
Тут жа адбывацца
Цуды пачынаюць…
«Унучачка, пабудкі,
Малачка прынесла!».
Ускочыла, прысела —
Пад ложак залезла.
Дзе тыя пабудкі?
Можа, за акенцам?
Смяецца бабулька:
«Бяры палаценца.
Пабудкі — то прабуджэнне,
А ты на карачкі —
Шукаць разуменне!».
«Карачкі? Што гэта?» —
У бабулькі пытаю.
Хахоча ізноў
З мяне тут старая!
«Стаіш каля ложка,
Пабудкі шукаеш —
Паставу такую
Народ так называе.
Каптурык надзень
І на вуліцу — гэць!
Ідзем маленькі цуд глядзець!».
Каптурык? Што гэта?
У паніцы я!..
Смяецца бабулька:
«Гарэза мая!»…
І так кожны дзень
На радзіме бабулькі
Вітаю я родныя словы-славулькі!
Марыя Шчарбіна,
Гудзевіцкая СШ, Мастоўскі раён