Геймерскі слоўнік — ён РЭАЛЬНА існуе?
Рубрыка «Вытокі мовы»
Вы толькі пачалі спазнаваць геймерскі свет, але нічога не разумееце з таго, пра што пішуць у чатах ці на гульнявых форумах? Ці, можа, вашыя сябры заўзятыя гульцы і вы хочаце даведацца, пра якія данаты і ачыўкі яны вам кажуць? Значыць, гэты артыкул для вас.
З англійскай мовы да нас прыйшло амаль усё, што ёсць у геймерскім слоўніку. Кожным словам адсюль можна нават карыстацца ў рэальным жыцці. Вось, напрыклад, «аўталуз» — так адным словам называюць аўтаматычны пройгрыш. Даволі забаўна можна абыграць сітуацыю, у якой вам спатрэбіцца гэтае слова (вядома, акрамя як у гульнях). Вы свядома не рыхтуецеся да кантрольнай па матэматыцы і замест гэтага ўвесь дзень сядзіце ў ціктоку. З нейкага боку гэта таксама можна назваць «аўталуз».
А вось слова «ачыўка», што значыць «дасягненне». Вы падрыхтаваліся да кантрольнай па матэматыцы і атрымалі добрыя веды, 10 балаў у журнал і вольны час (не трэба выпраўляць дрэнную адзнаку). Чым не ачыўка?
«Данат» — купля нутрагульнявога рэсурсу. Скажам, уводзіць грошы на тое, каб былі грошы ў гульні. Але гэтым словам можна скарыстацца інакш: стаіць музыка на вуліцы, вам спадабалася ягоная песня. Захацелі, заданацілі яму грошы. Ці бываюць лекцыі/канцэрты таксама за данат. Значыць, вы можаце пакінуць грошы, а можаце і не.
«Скіл» — навык у гульні. Але ж і ў жыцці можна набываць новыя скілы: уменне граць на гітары, катацца на скейце, танчыць у стылі джаз-фанк.
«Чыт» — таемны код для атрымання ўзнагароды. Можа, і ў жыцці ёсць свае чыты. У вас было такое, калі шанцуе бесперапынна? Тады здаецца, што выйграў у латарэю? Ці атрымаў чыт?
Працяг вы можаце прачытаць на старонках студзеньскага нумара!
Ганна БЕЛАЯ
Стань чытачом або аўтарам часопіса!
Падпісныя індэксы «Бярозкі»
74822 — індывідуальны
74888 — індывідуальны льготны для членаў БРПА
748222 — ведамасны