Казачны агляд. «Чароўная скарбніца» зачаруе і натхніць кожнага
Рубрыка «Кнігавулей»
«Чароўная скарбніца» — сумесны літаратурны праект Саюза пісменнікаў Беларусі і выдавецтва «Аверсэв». У 2023 годзе свет пабачыў зборнік твораў Кацярыны Хадасевіч-Лісавой, Генадзя Аўласенка і Людмілы Рублеўскай.
Існуе меркаванне, што кнігі пішуць толькі для адпаведнага ўзросту: «сур’ёзная» літаратура — для дарослых, казкі — для маленькіх. Але для мяне гэта не так. Хоць на кнізе і напісана «творы для дзяцей», упэўнена, яна будзе цікавая шырокаму колу чытачоў. Гэта як з «Гары Потэрам». Здавалася б, казка! Але ж яго любяць і чытаюць як дзеці, так і дарослыя. Пра «Чароўную скарбніцу» можна сказаць тое ж самае. Кожнаму будзе прыемна не толькі акунуцца ў атмасферу дабрыні і дзяцінства, але і адкрыць новыя сэнсы, якія можна зразумець толькі тады, калі вы пасталелі.
Першай па чарзе ідзе казачная аповесць «Вухуцік і яго таямніца» Кацярыны Хадасевіч-Лісавой. Кніга з тых, якую чытаюць, калі хочуць зазямліцца: пашпацыраваць па Мінску, у якім можна знайсці розныя цуды (напрыклад, паперу, з дапамогай якой ажываюць малюнкі, мілых іншапланецян, незнаёмую нам дагэтуль мову). Ці цікава вам, што значыць «цац» ці «камін мака» па-вухуцку? Можа быць, спадабаюцца розныя навукова-папулярныя факты пра жывёл, птушак і дыназаўраў? Мяркую, на ваш густ будуць прыгоды Улады, Вухуціка і яго сяброў. Адгарнуўшы старонкі гэтай надзвычай цёплай аповесці, вы апынецеся ў новым і нечаканым свеце. Аўтарка запрашае ўсіх ахвотных у касмічнае падарожжа! Толькі памятайце, што «тэлепартацыя — заўсёды загадка».
Працяг вы можаце прачытаць на старонках лютаўскага нумара!
Ганна БЕЛАЯ
Стань чытачом або аўтарам часопіса!
Падпісныя індэксы «Бярозкі»
74822 — індывідуальны
74888 — індывідуальны льготны для членаў БРПА
748222 — ведамасны
74879 — ведамасны льготны для ўстаноў адукацыі і культуры