Унутраны баланс і шчасце: як хлопец і тры жывёлы дапамогуць гэта пераасэнсаваць
«Хлопчык, Крот, Ліс і Конь» — гэта кароткаметражны анімацыйны фільм, які выйшаў у Злучаных Штатах Амерыкі 25 снежня 2022 года. Яго мэтавай аўдыторыяй могуць з’яўляцца як дзеці, так і дарослыя. Першыя знойдуць у ім масу гісторый пра адзіноту, прыняцце, барацьбу і спачуванне. Аднак менавіта дарослым адкрыецца таемны сэнс, закладзены аўтарамі, дзякуючы якому кінакарціна атрымала Оскар за найлепшы кароткаметражны анімацыйны фільм.
Мультфільм заснаваны на кнізе англійскага пісьменніка-ілюстратара Чарлі Макізі, хаця ён не планаваў спачатку нічога пісаць альбо здымаць. Чарлі быў проста мастаком, ён зачыніўся дома і ўвесь час працаваў над малюнкамі. Але калі ён пачаў выкладваць у інстаграм свае скетчы пра сяброўства ў простых размовах пра жыццё, яго аўдыторыя настолькі высока ацаніла гэтую ідэю, што мастаку сталі названьваць выдавецтвы з прапановай стварыць кнігу. Ён разлічваў прадаць усяго 10 тысяч копій, але выйшла каля двух мільёнаў, а потым кампанія Apple прапанавала яму ролю рэжысёра і сцэнарыста, каб зняць кінаадаптацыю.
Чым гэтая гісторыя магла так зачапіць?
У цэнтры аповесці — маленькі хлопчык, апрануты зусім лёгка, нягледзячы на халодны і зімовы час года. Ён не ведае ні сябе, ні свайго паходжання, але ўпарта шукае роднае і бяспечнае месца — дом. Пакуль дзіця сумуе, з-пад снегу з’яўляецца невялікі крот, які прапануе новаму сябру план дзеянняў. Па ходзе апавядання яны ўдваіх знаходзяць новых сяброў і незвычайныя выпрабаванні…
Працяг вы можаце прачытаць на старонках лютаўскага нумара!
Цінацін МАЙСУРАДЗЭ,
СШ № 4 г. Мінска, 11 клас
Стань чытачом або аўтарам часопіса!
Падпісныя індэксы «Бярозкі»
74822 — індывідуальны
74888 — індывідуальны льготны для членаў БРПА
748222 — ведамасны
74879 — ведамасны льготны для ўстаноў адукацыі і культуры