Анонс жнівеньскага нумара
Вітанкі, сябры! Час праляцеў хутка, і вось ужо сшыткі набыты, алоўкі завостраны і заплечнік стаіць сабраны. Канешне, вам неабходна плённа вучыцца наступны год, але не забывайцеся на адпачынак. Каб ён быў цікавым і карысным — раю прачытаць восьмы нумар часопіса для падлеткаў «Бярозка».
Мы працягваем рубрыку «PROпрафесію». Разабраліся са спецыяльнасцямі ў сферы гандлю, разгледзелі ўніверсітэты і каледжы, куды можна паступаць.
У рубрыцы «Фан-клуб» расказваем, як можна стаць добрым настаўнікам на прыкладзе майстроў з анімэ «Нарута».
Не ведаеце, як знайсці агульную мову з аднакласнікамі? А можа хвалюйцеся, што не зможаце ў час выканаць хатняе заданне і здаць іспыты? Адказы на гэтыя і іншыя пытанні шукайце ў артыкуле «Як лёгка пачаць навучальны год? Парады ад будучага псіхолага».
Шукаеце годнае чытво? Мы знайшлі яго для вас! На старонках часопіса знойдзеце рэцэнзію на славянскае фэнтэзі «Ваўкадаў».
Для ўсіх фанатаў карэйскай поп-музыкі: у новым выпуску вы знойдзеце маляваны постар з лідарам BTS.
Глядзелі другую частку мультфільма «Галаваломка»? Тады абавязкова чытайце на яе рэцэнзію ад нашага аўтара. Разбяромся, як мультфільм змог набраць такую вялікую папулярнасць і ці варты ён таго?
«Бярозцы» спаўняецца 100 гадоў і з гэтай нагоды мы падрыхтавалі артыкул пра выбітнага галоўнага рэдактара. Чытайце даследаванне «Восень і каханне ў паэзіі Анатоля Грачанікава».
А яшчэ вас чакаюць беларускі першапродак ў рубрыцы «Міфалогія», чароўная казка «Прыгоды Алёнкі» ад Андрося Чабарка і новы праект часопіса «У свеце беларускай мовы».
Прыемнага вам чытання!
Стань чытачом або аўтарам часопіса!
Падпісныя індэксы «Бярозкі»
74822 — індывідуальны
74888 — індывідуальны льготны для членаў БРПА
748222 — ведамасны