Складаны выбар. Як абраць прафесію, каб не працаваць ні дня?
Калі ты вучань старэйшых класаў, то, напэўна, ужо не раз задумваўся: якую прафесію абраць? Гэтае пытанне задаюць сабе тысячы тваіх аднагодкаў, у тым ліку — і я. Якія ў мяне думкі, разважанні на гэты конт — чытай ніжэй.
Ёсць некалькі шляхоў выбару будучай прафесіі. Можна запытаць меркаванне бацькоў альбо проста пайсці па іх шляху і працягнуць сямейную дынастыю. Можна прайсці спецыяльныя тэсты. Можна доўга прагледжваць рэйтынгі прафесій і гнацца за модаю.
А можна звярнуцца да сучасных тэхналогій: прааналізаваць, што яны прапануюць з пункту гледжання актуальнасці, і «прымераць» на сябе. Што новага з’явілася? Што застаецца актуальным і што не будзе заменена ШI? І вось што нам прапануе інтэрнэт.
- Архітэктар інфармацыйных сістэм. Спецыяліст, які займаецца праектаваннем і распрацоўкай інфармацыйных сістэм і адказвае за іх эфектыўнасць і надзейнасць.
- Праектавальнік нейраінтэрфейса. Займаецца распрацоўкай і стварэннем сістэм, якія забяспечваюць узаемадзеянне паміж мозгам чалавека і камп’ютарнымі тэхналогіямі.
- Дызайнер інтэрфейса. Гэта чалавек, які адказвае за стварэнне зручнага, зразумелага інтэрфейса, што выклікае ў карыстальніка станоўчыя эмоцыі.
- Сеткавы юрыст. Спецыяліст, які ведае законы і адказвае за фарміраванне нарматыўна-прававых узаемадзеянняў у інтэрнэце.
- Кібербяспека. Напрамак інфармацыйнай бяспекі, які прадугледжвае абарону лічбавага асяроддзя ад крадзяжу або пашкоджанняў злачынцамі.
- Інжынер па машынным навучанні і штучным інтэлекце. Высокакваліфікаваны ІТ-спецыяліст, які даследуе, стварае і ўводзіць праграмнае забеспячэнне для штучнага інтэлекту. Асноўная сфера яго дзейнасці — распрацоўка лічбавых алгарытмаў, здольных да саманавучання і прагназавання.
- Распрацоўнік мабільных дадаткаў. Спецыяліст, які распрацоўвае праграмныя дадаткі для розных мабільных прылад: планшэтаў, смартфонаў, камп’ютараў.
За тэндэнцыямі і побытам на рынку вакансій прадстаўнікі айчынных ВНУ сочаць і актыўна ўводзяць новыя спецыяльнасці. Толькі ў бягучым навучальным годзе быў адкрыты набор на 13 новых кірункаў. У тым ліку — і тыя, што пералічаныя вышэй. Таксама авалодаць патрэбнымі кампетэнцыямі можна і набыўшы адукацыйныя курсы на вядомых пляцоўках, напрыклад it-academy.by, skillbox.by, it-courses.by.
Але не толькі прафесіі, звязаныя з высокімі тэхналогіямі, будуць актуальнымі ў будучыні. У гэтым спісе ёсць месца і «вечным прафесіям»: медыцынскі працаўнік, настаўнік, кухар, псіхолаг, мікрабіёлаг, пажарнік, супрацоўнік органаў парадку, эканаміст, фітнес-інструктар і інструктар ЛФК (асабліва інструктар ЛФК!).
Але што рабіць, калі ты разгубіўся і выбар прафесіі наогул стаў выклікаць жах?
Надзея Рабчук, школьны псіхолаг:
— Пытанне, датычнае выбару прафесіі, вельмі
Працяг чытайце ў часопісе «Бярозка» №10…
Дар’я ТУМАС
Стань чытачом або аўтарам часопіса!
Падпісныя індэксы «Бярозкі»
74822 — індывідуальны
74888 — індывідуальны льготны для членаў БРПА