ТАНЦЫ — УСЁ ЯЕ ЖЫЦЦЁ! ЧАЛАВЕК НЕ МОЖА ЎЯВІЦЬ СВАЁ ЖЫЦЦЁ БЕЗ ТАНЦАЎ. КАЛІ ТЫ ТАНЧЫШ, — ТЫ ПА-САПРАЎДНАМУ ПАГРУЖАЕШСЯ Ў ТАНЕЦ

                                                                                                       «Дзе словы бяссільныя, гаворыць цела»

Першага лютага дзве тысячы дваццаць пятага года ў Смілавічах адкрылася студыя танцаў у напрамку джаз-фанк.

Там займаюцца дзеці, падлеткі і дарослыя, якія жадаюць навучыцца танчыць або палепшыць свае навыкі. У апошні час асабліва вылучаецца Корзун Влада, якая брала ўдзел у такіх конкурсах, як «MAINSTREAM», «STEP UP», «STREET DANCE», «DANCE STAR», «EMOJI PROJECT», «STREET STYLE», і не вярталася з іх без прызавога месца, пра што сведчаць мноства медалёў. Давайце ж крыху даведаемся пра яе.

— Як ты звязала сваё жыццё з танцамі?

— Я пачала займацца танцамі тры гады таму, гэта было маё любімае занятак. З часам запал да руху перарос у прафесійную дзейнасць, і сёння я не ўяўляю сваё жыццё без танцаў.

— Як часта ты займаешся танцамі?

— Звычайна я займаюся чатыры разы на тыдзень — залежыць ад графіка і мэтаў: падрыхтоўка да выступаў, паляпшэнне тэхнікі ці проста задавальненне.

— Колькі трэба плаціць за заняткі?

— У месяц выходзіць 110 рублёў.

— У цябе цалкам здаровы лад жыцця?

— У цэлым, я стараюся прытрымлівацца ЗЛЖ: правільна харчуюся, надаю час фізічнай актыўнасці, стараюся высыпацца. Але, як любы чалавек, часам дазваляю сабе невялікія слабасці — бо важна не толькі быць у форме, але і атрымліваць задавальненне! Так што можна сказаць, што я на шляху да паўнавартаснага ЗЛЖ з невялікімі прыемнымі выключэннямі.

— А сям’я задзейнічана ў актыўным жыцці?

— Мая сям’я падтрымлівае мяне, часам дапамагае з падрыхтоўкай ці проста прыходзіць паглядзець выступы. Мая мама таксама займаецца танцамі ў Lun Dance Studio, толькі ў іншым напрамку — High Heels.

— У будучыні плануеш звязаць сваё жыццё з танцамі?

— Вядома! Хацела б адкрыць сваю студыю і выкладаць новым пакаленням.

— Як выглядаў твой графік з танцамі і падрыхтоўкай да экзаменаў?

— Звычайна я сумяшчала вучобу з трэніроўкамі: з раніцы — вучоба, потым вечаровыя заняткі. Падрыхтоўка да экзаменаў часам перашкаджала, але я паспявала.

— Як зразумець, што табе пашанцавала з харэографам?

— Калі адчуваеш падтрымку, бачыш, што ён верыць у цябе і дапамагае развівацца, — значыць, пашанцавала.

— Табе падабаецца твая каманда? Ты выступаеш з ёй ці адна?

— Шалёна люблю нашу каманду!  Кожны з нас — важная частка вялікай спартыўнай сям’і. А наша сіла і поспехі — гэта велізарная заслуга нашых любімых трэнераў Ані Лунь і Каці Арцем’евай. Дзякуй вам за веру ў нас, цярпенне і неверагодную матывацыю!

Выступаю і з камандай, і адна.

— Танцам можна навучыцца самому, ці гэта талент?

— Можна навучыцца, калі шмат трэніравацца і быць цярплівым. Талент дапамагае, але стараннасць важнейшая!

— Можаш расказаць пра тэхнікі танца: якія яны бываюць, самыя складаныя і простыя, што трэба рабіць, каб навучыцца пэўнаму віду рухаў?

— Танцавальныя тэхнікі падзяляюцца на кірункі, кожны з якіх патрабуе розных навыкаў.

Каб навучыцца любому віду рухаў, трэба:

1. Развіваць ізаляцыю (уменне рухаць рознымі часткамі цела паасобку).
2. Выконваць рэгулярную расцяжку і ўмацоўваць мышцы.
3. Разбіраць харэаграфію па кроках (разучиваючы асобныя элементы).
4. Займацца перад люстэркам і слухаць музычны рытм.

— Прадоўжы фразу: «Танцы — гэта…»

— Танцы — гэта мова душы, праз іх можна выказаць усё, што складана сказаць словамі.

Таццяна ЧАРАВАКА,

СШ №1 г.п. Смілавічы, 11 клас

Набыць электронны часопіс

Стань чытачом або аўтарам часопіса!

Падпісныя індэксы «Бярозкі»

74822 — індывідуальны

74888 — індывідуальны льготны для членаў БРПА