Анонс часопіса «Бярозка» №5
Вітанкі, падбярозавічкі!
Надыходзіць лета, хоць і не такое цёплае, як хацелася б. Але мы дакладна ведаем, што 5 выпуск часопіса «Бярозка» вас сагрэе. Вас чакае шмат чаго цікавага:
Мадэлінг: твой шлях да подыума — даведайцеся, як стаць часткай свету моды і якімі якасцямі трэба авалодаць для гэтай прафесіі.
Агляд самых цікавых спектакляў для моладзі ад Ягора Ярмоленка ў яго рубрыцы «Пра тэатр». Вядома, зараз усе палююць на квіткі ў тэатр лялек у Мінску, але ёсць і іншыя спектаклі, вартыя вашай увагі!
Як сучасныя медыя фарміруюць свядомасць моладзі? Фестываль «Медыясферы» ў Гродне
Адкрыцці былой балерыны. Як ладзіцца падрыхтоўка да спектакляў і цікавыя гісторыі з прафесіі — гісторыя пераменаў і натхнення ад Ірыны Віктараўны Берко.
«Мой родны кут» і «Мая мова» Ульяны Посах — вершы, якія заклікаюць да разважанняў пра родную культуру.
Кааператыўныя гульні Hazelight Studios — пагружэнне ў свет гульняў, дзе супрацоўніцтва — ключ да поспеху. Можа, вы думаеце, як займальна правесці час з сябрам на вакацыях? Звярніце ўвагу на гэты артыкул!
Дзівацтва і чараўніцтва кацінага караля — даведайцеся пра таямніцы незвычайнага дэмана ў беларускай міфалогіі.
Казка «Чужыя крылы» — прыемнае чытанне для ўсіх аматараў казак.
Твор «Хатнік» — працягваем публікаваць творы з паэтычнага конкурсу «Думаць вершы», паэтычнай імпрэзы, якая натхняе на творчасць.
Пра «Ноч музеяў» у Дзяржаўным літаратурна-мемарыяльным музеі Якуба Коласа.
Што такое “каўчсёрфінг”? Як у розных кутках свету зладзіць прыемнае знаёмства? Пра вандроўкі ў свет новых культур.
Прыемнага вам чытання!
Стань чытачом або аўтарам часопіса!
Падпісныя індэксы «Бярозкі»
74822 — індывідуальны
74888 — індывідуальны льготны для членаў БРПА