ЗЯЛЁНАЯ КАРТА БЕЛАРУСІ

Што за праект:

Зялёная карта greenmap.by — інтэрактыўная карта экалагічна спрыяльных месцаў і ініцыятыў Беларусі.

Хто робіць:

Цэнтр экалагічных рашэнняў — некамерцыйная недзяржаўная ўстанова, створаная для папулярызацыі экалагічнага ладу жыцця і прынцыпаў устойлівага развіцця ў Беларусі, а таксама развіцця міжнароднага супрацоўніцтва з мэтай захавання навакольнага асяроддзя.

Што робіць:

Дзякуючы працы валанцёраў рэсурс змяшчае і рэгулярна аднаўляе інфармацыю пра пункты збору адходаў і непатрэбных рэчаў, прысвечаныя ахове навакольнага асяроддзя, і экалагічна спрыяльныя арганізацыі, унікальныя прыродныя зоны і г. д.

Што можна знайсці на карце:

• АДХОДЫ І РЭЧЫ — пункты збору другасных рэсурсаў, небяспечных адходаў, заводы па перапрацоўцы смецця, пункты прыёму рэчаў, zero waste-ініцыятывы;
• ЭКАЛАГІЧНЫЯ АРГАНІЗАЦЫІ — недзяржаўныя і дзяржаўныя арганізацыі, навуковыя лабараторыі, установы адукацыі;
• АДНАЎЛЯЛЬНАЯ ЭНЕРГЕТЫКА — месцазнаходжанне сонечных панэляў і воданагравальнікаў, ветрагенератараў, біягазавых установак, гідраэлектрастанцый;
• МЕСЦЫ, СВАБОДНЫЯ АД ПЛАСТЫКУ, — кафэ, офісы, школы і нават царкоўныя прыходы!

Як далучыцца:

• дадаваць новыя аб’екты і цікавыя фота на карту свайго горада;
• абмяркоўваць і каментаваць аб’екты, дзяліцца рэсурсам з сябрамі ў сацыяльных сетках і блогах;
• стаць валанцёрам (запоўніць форму на сайце).

Што можа рабіць валанцёр:

• дапамагаць у пошуку новых пунктаў па тэматычных слаях карты і рабіць іх апісанні;
• пераправяраць і актуалізаваць інфармацыю;
• правяраць якасць працы існуючых пунктаў і пакідаць водгукі пра іх.

Навошта вам гэта рабіць:

Асобны збор і перапрацоўка другаснай сыравіны, утылізацыя небяспечных адходаў, памяншэнне выкарыстання пластыку і захоўванне ўнікальных прыродных зон — гэта важныя крокі на шляху да паляпшэння стану навакольнага асяроддзя. Зялёная карта робіць гэтую складаную задачу прасцейшай для кожнага.

Стань чытачом або аўтарам часопіса!

Падпісныя індэксы “Бярозкі”:

74822 — індывідуальны

74888 — індывідуальны льготны для членаў БРПА

748222 — ведамасны

74879 — ведамасны льготны для ўстаноў адукацыі і культуры